Azərbaycan, Bakı, 05 iyun / Trend , müxbir İ.Xəlilova/ Azərbaycan Gömrük Məcəlləsinin yeni variantı baxılması üçün ölkənin Nazirlər Kabinetinə artıq təqdim olunub. Bu haqda Dövlət Gömrük Komitəsinin (DGK) sədri Aydın Əliyev bildirib. Məcəllənin hazırlanmasında 24 dövlət təşkilatlarının təklifləri nəzərə alınıb.
Əliyev sənədin həcminin böyük olmasına görə onun Milli Məclisin payız sessiyasında müzakirəsini mümkün olacağını düşünmür.
Beynəlxalq standartlara uyğun qanunvericilik bazasının təkmilləşdirilməsi gömrük xidmətinin təkmilləşdirilməsi üzrə BMT İnkişaf Proqramı və Avropa İttifaqının layihəsi çərçivəsində nəzərdə tutulmuşdu. Azərbaycanda gömrük sisteminin davamlı inkişaf təminatı üçün vəzifələrdən biri də Gömrük Məcəlləsinin yeni variantını hazırlanmasıdır.
Məcəllənin hazırlanmasına cəlb olunan ekspert əvvəllər Rusiya və Qazaxıstanda işləyib. Məcəllədə informasiya texnologiyaları tətbiq olunub, həmçinin, başlıca olaraq gömrük işçisinin imkan və fəaliyyətini əks etdirən maddələrə diqqət yetirilib.
Hazırda qüvvədə olan Məcəllə 1997-ci ildə qəbul olunub. Hələ 2007-ci ilin fevralında gömrük sisteminin beş illik (2007-2011-ci illər üçün) inkişafı Proqramı təsdiq olunub. Gömrük orqanlarının maddi -texniki bazasının yaxşılaşdırılması, kadrların hazırlanması, gömrük- nəzarət sisteminin gücləndirilməsi, fiskal funksiyanın yerinə yetirilməsi, gömrük cinayətkarlığı ilə mübarizə, gömrük sahəsinə müasir informasiya texnologiyaların tətbizi sözügedən Proqramın prioritetləridir.
Müəlliflə əlaqə saxlamaq üçün elektron ünvan: [email protected]