Azərbaycan, Bakı, 05 iyun/ Trend , müxbir Ü.İsmayılova/ Azərbaycanın iri sığorta şirkətlərindən biri - Az Sigorta həyat sığortasının tətbiqi imkanlarını öyrənməyə başlayıb. Bu "Sığorta fəaliyyəti haqqında" yeni Qanunla nəzərdə tutulub. Bu barədə cümə axşamı şirkətin İdarə Heyətinin sədr müavini Xəyal Məmmədxanlı məlumat verib.
"Şirkətin planlarına 2009-cu ildə törəmə Life-şirkətinin açılması daxildir", - Məmmədxanlı bildirib.
Martın 15-də "Sığorta fəaliyyəti haqqında" yeni Qanun qüvvəyə minib. Təsdiq olunmuş Qanuna görə, sığorta şirkətləri Life və Non-life şirkətlərə (üç il ərzində) ayrılırlar. Life şirkətlər sığortaçılara yığımcıl sığorta təklif edə biləcəklər.
2006-cı ildən fəaliyyət göstərən Az Sigorta 28 növ sığorta sığorta xidməti göstərir ki, bunlardan üçü məcburidir. Şirkətin Nizamnamə kapitalı 2 mln. manat təşkil edir. Yanvar-martın yekunları üzrə şirkət 1,77 mln. manat sığorta haqqı toplayıb. Ödəmələr 0,25 mln. manat təşkil edib. Şirkət 2007-ci ilin yekunları üzrə 5 mln. manat sığorta haqqı göstəricisi ilə ilk dəfə olaraq sığorta şirkətləri liderlərinin beşliyinə daxil olub.
Müəlliflə əlaqə saxlamaq üçün elektron ünvan: [email protected]
