Azərbaycan, Bakı, 06 iyun / Trend , müxbir İ.Xəlilova/ Azərbaycanın lizinq sektor fəaliyyətini tənzimləyən qanunvericilik modellərinin müzakirəsi üçün gələn həftə Azərbaycanın Lizinq Şirkət Assosiasiyasının (ALŞA) genişləndirilmiş iclasının keçirilməsi planlaşdırılır. Bu haqda Azərbaycan və Mərkəzi Asiyada lizinqin maliyyələşdirməsi Fondu nəzdində Beynəlxalq Maliyyə Korporasiyasının (BMK) texniki yardım layihəsinin direktoru Teymur Heybətov bildirib. Görüş BMK nümayəndələri, ALŞA və assosiyasiya daxil olmayan lizinq şirkətlərinin üzvlərinin iştirakı ilə keçiriləcək.
Azərbaycanda lizinq şirkətlərinin vergiqoyma sahəsində problemlərin həlli üçün BMK-nın layihəsi görüşdə müzakirə olunacağı planlaşdırılan təkliflər hazırlayıb. Təkliflərin mahiyyəti ölkədə lizinq fəaliyyəti üçün daha uyğun əlavə dəyər vergisi (ƏDV) mexanizmlərinin tətbiqi, həmçinin, ƏDV-yə lizinq əməliyyatlarının cəlb olunmasından ibarətdir.
Yeni mexanizm lizinq ödəmələrində ƏDV-ni aşkarlamağa imkan yaradacaq ki, bu da həm müştəri, həm də lizinq şirkətlərinə əlverişlidir. Halbuki, hazırki şəraitdə lizinq şirkətlərindən ƏDV tutulmur, lakin lizinq predmeti olan texnika və avadanlığa vergi qoyulur.
Verqi Məcəlləsinə müvafiq olaraq, lizinq əməliyyatları maliyyə xidmətlərinə aid edildiyindən , ondan verqi tutulmur. Nazirlər Kabinetinin sərəncamı ilə ƏDV-dən azad edilmiş mal mövqeləri siyahısının ixtisarı nəticəsində, lizinq üçün texnika və avadanlıq vergitutma predmeti olub. Bu lizinq xidmətlərinin bahalaşmasına gətirib çixarır, həmçinin, müştəri və lizinq şirkətlərinin münasibətlərində əks olunur.
Heybətovun sözlərinə görə, görüşdə ALŞA sıralarının genişləndirilməsi məsələsinə də baxılacaq.
BMK-nın hesablamalarına əsasən, respublikada lizinqlə məşğul olan şirkət və bankların sayı 20-ni ötür. Lakin bu sahədə cəmi yeddi şirkət fəal işləyir. Bu fakt lizinq sahəsi üzrə mütəxəsislərin olmaması ilə izah olunur. Bununla bərabər, onların siyahısının artırılması gözlənilir, lakin banklar onları şöbə və ya törəmə şirkət kimi yaratmaq sualı altında qalıblar.
Məhz aktiv olmayan lizinq əməliyyatları nəticəsində ALŞA-nın sıraları 12-dən 9-a ixtisar olunub. Onlardan bəziləri əməliyyatların aktivləşdirildiyi tətqirdə Assosiasiyanın sıralarına dönə bilər.
Assosiasiya 2005-ci ildə BMK Azərbaycanda lizinq inkişafına texniki yardım layıhəsi çərçivəsində təsis olunub.
İyunun 6-na olan rəsmi məzənnə 0,8193 AZN/USD təşkil edir
Müəlliflə əlaqə saxlamaq üçün elektron ünvan: [email protected]