Azərbaycan, Bakı, 11 iyun/ Trend , müxbir İ.Xəlilova/ 2008-ci ilin yanvar-aprelinin yekunlarına görə, dövlət büdcəsinin gəlir hissəsi illik hesablamada 83,4 faiz artaraq, 3427,5 mln. manat təşkil edib. Bu barədə çərşənbə günü hökumətdən məlumat veriblər. ÜDM-də gəlirlərin xüsusi çəkisi 30,7 faiz təşkil edib.
Büdcə daxilolmalarının əsas hissəsi (67,9 faiz və ya 2325,8 mln. manat) proqnozu 128,5 faiz yerinə yetirmiş Vergilər Nazirliyi tərəfindən təmin olunub. Dövlət büdcəsinə vergidən daxilolmalar 58,4 faiz artıb.
Dövlət Gömrük Komitəsi proqnozu 100,3 faiz yerinə yetirərək, 375,3 mln. manat (10,9 faiz) ödəyib ki, bu da ötən ilin müvafiq dövründə büdcəyə ödənilmiş vəsaitlərdən 67,4 faiz çoxdur.
Dövlət büdcəsinin məxaric hissəsi 2007-ci ilin yanvar-apreli ilə müqayisədə 63,2 faiz artaraq, 2131,2 mln. manat təşkil edib. ÜDM-də xərclərin xüsusi çəkisi 19,1 faiz olub.
Sosial müdafiə və təminata xərclər - 33,7 faiz artaraq 287,4 mln. manat, səhiyyə - - 72,3 mln. manat (42,3 faiz), təhsil - 236,6 mln. manat (35,3 faiz), sənaye, tikinti və faydalı qazıntılar - 832,7 mln. manat (2,6 dəfə), nəqliyyat və rabitə - 22,4 mln. manat (2,3 dəfə), mədəniyyət, incəsənət, bədən tərbiyəsi - 33,8 mln. manat (48,2 faiz), mənzil-kommunal təsərrüfatı - 27,7 mln. manat (78,7 faiz), kənd təsərrüfatı, balıqçılıq, ətraf mühitin mühafizəsi - 43,8 mln. manat (21,3 faiz), hüquq-mühafizə və prokurorluq orqanları - 111,9 mln. manat (19,4 faiz) artıb.
Yanvar-apreldə əməkhaqqı fondunun maliyyələşdirilməsinə 659 mln. manat sərf olunub ki, bu da büdcə xərclərinin 30,9 faizini təşkil edir.
Dövlət büdcəsinin profisiti 1296,3 mln. manat və ya ÜDM-in 11,6 faizini təşkil edib.
İyunun 11-nə olan rəsmi məzənnə 0,8185 AZN/USD.
Müəlliflə əlaqə saxlamaq üçün elektron ünvan: [email protected]
