Azərbaycan, Bakı, 12 iyun/ Trend , müxbir S.Babayeva/ Azərbaycanın Əmək və Əhalinin Sosial Müdafiəsi Nazirliyi regionlarda keçirilmiş yarmarkalar nəticəsində 549 nəfəri işlə təmin edib. Nazirliyin Baş Məşğulluq İdarəsindən cümə axşamı bildiriblər ki, yarmarkalar Naxçıvan, Qobustan, Neftçala və Daşkəsəndə keçirilib. Yarmarkalar zamanı 251 müəssisə 2,4 min boş yer təqim edib.
"Ötən il olduğu kimi, yarmarkalar ilin sonunadək davam edəcək", - idarədən bildiriblər.
Nazirlikdən bildiriblər ki, iyunda yarmarkalar Qubada (17 iyun), Oğuzda (18 iyun), Şəki və Yardımlıda (20 iyun), Ağstafada (24 iyun), Lənkəranda (25 iyun), Xızı, Salyan və Qazaxda (27 iyun) təşkil ediləcək.
Ümumilikdə respublikanın 55 rayon və şəhərində yarmarka keçirmək planlaşdırılır. Lakin onların sayının artırılacağı istisna edilmir.
Əmək Nazirliyi 2007-ci ildə Azərbaycanın 55 rayonunda 57 yarmarka keçirib. Yarmarkaların nəticəsində 9056 nəfər işlə təmin olunub.
Dövlət Statistika Komitəsinin məlumatlarına əsasən, yanvar-martda 451,3 min nəfər işsiz rəsmi olaraq qeydiyyatdan keçib. Onlardan 48 mini qadınlardır. Azərbaycanda bir iş yerinə dörd rəsmi qeydiyyatdan keçmiş işsiz iddia edir.
Müəlliflə əlaqə saxlamaq üçün elektron ünvan: Cap
