Azərbaycan, Bakı, 30 iyun / Trend müxbir E.İsmayılov/ Yeni Bakı-Mahaçqala-Bakı reysinin açılışı iyulun 4 - nə təxirə salınıb. Bu barədə AZAL (Azərbaycanın Mülki Aviasiya İdarəsi) QSC-də bildiriblər. Reysin açılışı əvvəl iyunun 25 - nə, daha sonra iyunun 30 - na nəzərdə tutulmuşdu.
Reysi Dağıstan hava yolları şirkəti yerinə yetirəcək. Təyyarə "Turan air"aviaşikətindən icarəyə götürülüb.
Uçuşlar TU-154 təyyarələri ilə bazar ertəsi, çərşənbə günü və cümə günləri Bakı vaxtilə 14:30-da yerinə yetiriləcək. Biletin bir istiqamətə qiyməti 158 manat, hər iki istiqamətə 252 manatdır.
