Azərbaycan, Bakı, 02 iyul/ Trend , müxbir, T.Cəfərov/ İranın İxrac İnkişaf Bankı, "İran Xodro" sənaye qrupu və "Azsamand" şirkəti Azərbaycanda "Samand" maşınları üçün dəyəri 73 milyon dollar olan ehtiyat hissələrinin ixracı üzrə müqavilə imzalayıblar. Bu barədə məlumatı İranın "İRİNN" xəbərlər kanalı yayıb.
Müqaviləni bankın sədri Kureş Pərvizyan, "İran Xodro" sənaye qrupunun rəhbəri Manuçehr Məntiqi və Azərbaycan şirkəti "Azsamand"ın başçısı Əli Ovsen imzalayıblar.
Rərvizyan imzalanma mərasimində bildirib ki, ehtiyat hissələri Azərbaycana "İran Xodro"nun Tehrandakı zavodundan göndəriləcək. Azərbaycana göndəriləcək 10 min maşın üçün ehtiyat hissələri beş mərhələdə (hər mərhələdə 2000) olmaqla üç il müddətində ixrac ediləcək
Ovsen deyib ki, bu, "Azsamand" və İranın İxrac İnkişaf Bankı arasında imzalanan üçüncü müqavilədir."Müqavilənin iqtisadi nöqteyi-nəzərdən çox böyük əhəmiyyəti var", - Ovsen bildirib.
"İran Xodro" şirkətinin rəis müavini Keyvan Xocastə deyib ki, şirkət Azərbaycanda "Samand" maşınlarının yığım gücünü ildə 6 min maşından 10 minədək qaldırmağa çalışır: "Biz Azərbaycanın daxili tələbatını təmin etmək və digər ölkələrə "Azsamand" maşınlarını ixrac etmək niyyətindəyik".
"Samand" maşınlarının yığımı üzrə zavod Azərbaycanın Şamaxı şəhərində yerləşir.
