Azərbaycan, Bakı, 09 iyul / Trend , müxbir U.İsmayılova/ "İqtisadi araşdırmalar mərkəzi" QHT-nin hesablamalarına görə, iyun ayında Azərbaycanda istehlakçı qiymətləri göstəricisi 0,08 faiz, Bakıda 0,37faiz, ölkə regionlarında isə 0,27 faiz artıb.
Cari ilin yanvar-iyun aylarında inflyasiyanın səviyyəsi 14,75 faiz təşkil edib. Ötən ilin analoji dövründə isə bu göstərici 28,65 faizə bərabər olub.
İyun ayında ən yüksək qiymət artımı qeyri-ərzaq məhsullarında müşahidə olunub - 1,92 faiz, ərzaq məhsullarında -1,28 faiz, xidmətlərdə - 1,23 faiz təşkil edib.
Əmtəə qrupları üzrə ən yüksək səviyyə qeyri-ərzaq mallarında müşahidə olunub - 1,26 faiz, ərzaq məhsullarında 0,67 faiz, xidmətlərdə isə 0,61 faiz təşkil edib.
Azərbaycan Dövlət Statistika Komitəsinin məlumatına görə, yanvar-iyun aylarında ölkədə inflyasiyanın səviyyəsi 20 faiz təşkil edib.
Məqalə müəllifi ilə əlaqə ünvanı: capital
