Azxərbaycan, Bakı, 11 iyul/ Trend / Azersun Holding Azərbaycanda kağız tullantılarının təkrar emalı üzrə fabrik tikməyə başlayıb, - şirkətin məlumatında deyilir.
Emal gücü gündə 200 ton, ildə 60 min ton t olacaq fabrikin tikintisinə 30 milyon avro sərmayə qoyulacaq. Müəssisə üçün Sumqayıtın sənaye zonasında 20 hektar sahə ayrılıb və onun 2009-cu ilin ilk rübündə istismara verilməsi planlaşdırılır.
"Fabrikin məhsulları ölkədə kağız tələbatını ödəməklə yanaşı, ekoloji tələblərə də 100 faiz cavab verəcək", Azersun-dan bildirirlər.
Azersun-da hesab edirlər ki, yeni fabrik istifadəyə verildikdən sonra Azərbayacan kağız sənayesinin maya dəyərinin artımından özünü sığorta edəcək və bununla da regionda lider mövqeyini möhkəmlədəcək, ixrac potensialını yüksəldəcək.
Fabrikin potensialı təkcə Azərbaycanın deyil, həm də Gürcüstan, Türkmənistan və Dağıstanın da kağıza olan tələbatını ödəyəcək. İstehsalatın potensialının 30 faizi ölkə daxilinin, 70 faizi isə, qonşu ölkələrə ixrac tələbatını ödəyəcək.
Yeni fabrik 1000 iş yerinin açılmasına imkan yaradacaq.