Azərbaycan, Bakı, 12 iyul/ Trend , müxbir İ.Xəlilova/Qafqazda çay əkinçiliyi problemlərinin birgə həll edilməsi və çay sənayesinin ixrac-idxal potensialının gücləndirilməsi məqsədilə, regionda çay əkinçiliyi tarixində ilk dəfə olaraq, iyulun 11- 13-də Bakıda, Qafqaz çay əkinçiliyi Konqresi keçirilir.
Konqresin işində iştirak edən Azərbaycan çay mütəxəssisləri Assosiasiyasının prezidenti Fərman Quliyevin dediyinə görə, bu, çay sənayesi sahəsində region ölkələrinin hər birinin problemlərinin müzakirə edilməsi və informasiya mübadiləsi məqsədi daşıyan tanışlıq görüşü olacaq. Gələcəkdə bu ölkələrdə çay əkinçiliyinin inkişafı üzrə vahid platformanın işlənib hazırlanması planlaşdırılır.
Quliyevin sözlərinə görə, Konqresin iclasının iki ildən bir keçirilməsi nəzərdə tutulur. Qafqaz çay Konqresinin əsas fəaliyyət istiqaməti regionda yerli çay əkinçiliyinin bərpası üçün bütün Qafqaz çay cəmiyyətlərinin səylərinin birləşdirilməsi, Qafqazın yerli çay əkinçilərinin, çay istehsalçılarının və çay emalı sahəsi işçilərinin hüquq və maraqlarının müdafiəsidir.
Bundan başqa, çay məhsullarının və yarımfabrikatların yeni bazarlara çıxarılması, Qafqazda çay əkinçiliyinin rentabelliliyinin təmin edilməsi və regionda çay əkinçiliyi iqtisadiyyatının səmərəliliyinin artırılmasına kömək ediləcək.
Konqres regional çay Assosiasiyaları bazası əsasında Qafqazın çay istehsalçılarının hüquq və maraqlarını müdafiə edən vahid ictimai strukturun yaradılması imkanını müzakirə edəcək.
Azərbayacnın çay tələbatının təmin edilməsi üçün, orta hesabla, 15-20 min ton quru çay lazım olacaq. Bu gün ölkədə 100 ton çay becərilir və müvafiq olaraq , ölkədə çay tələbatı 0,1 faiz ödənilir. İldə adambaşına 2,5-3 kq çay düşür.
Quliyevin fikrincə, Sovet İttifaqı dağıldıqdan sonra qonşu ölkələrdə də analoji vəziyyət yaranıb. Bununla əlaqədar olaraq, Qafqazda və MDB-də daxili çay bazarına qarşılıqlı yardım və inkişaf sisteminin yaradılması, çay istehsalçılarına dövlət və xarici rəqiblər qarşısında metodiki köməyin göstərilməsi üzrə tövsiyələrin işlənib hazırlanması nəzərdə tutulur.
Konqres çərçivəsində iyulun 11-12-də Qafqaz çay istehsalçılarının istehsal etdiyi çayların dequstasiyası festifalı keçiriləcək. Festivalda Azərbaycan, Gürcüstan, Abxaziya və Rusiyanın çay istehsalçıları iştirak edəcəklər.
