Azərbaycan, Bakı, 16 iyul/ Trend / Azərbaycanın Maliyyə Nazirliyi ilk dəfə olaraq, ölkədə aktuarlıq işinin inkişaf etdirilməsi və peşəkar aktuarilərin hazırlanması məqsədilə, aktuar hesablamalar üzrə tədris kursu keçirir. Bu barədə çərşənbə günü nazirlikdən məlumat veriblər. Kurslar iyulun 15-də başlayıb.
Aktuar hesablamalar üzrə kurslar ABŞ -ın Beynəlxalq İnkişaf Agentliyinin (USAİD) maliyyə dəstəyi ilə "Maliyyə Sabitliyi" əməkdaşlıq proqramı çərçivəsində keçirilir.
Dördmərhələli kurslar aşağıdakı mövzuları əhatə edəcək: faiz nəzəriyyəsi, ümumi sığorta və təkrarsığorta, həyat sığortası, pensiya sığortası və sosial təminat, investisiyalar, sığorta şirkətlərinin maliyyə hesabatları.
Birinci mərhələdə kursları kanadalı mütəxəssis Maykl Dzi aparacaq.
