Azərbaycan, Bakı, 21 iyul/ Trend / Azərbaycanın Ekologiya və Təbii Sərvətlər Nazirliyi Heydər Əliyev adına Beynəlxalq Aeroportun ətrafının ekoloji vəziyyətinin yaxşılaşdırılması məqsədilə kompleks işlərin aparılması və ekoloji bərpa layihlərinin hazırlanması və onların həyata keçirilməsi üzrə açıq tender elan edib. Tender bir lotda keçirilir.
Tender təklifləri bal sistemi üzrə qiymətləndiriləcək. Qiymətləndirmənin üstün meyarlarını - layihənin effektivliyi, yüksək keyfiyyət, müqavilənin vaxtında yerinə yetirilməsi, təcrübə, maliyyə vəziyyəti, qrafikə uyğun işin (mal və xidmətlərin) təhvil verilməsi təşkil edicək.
Tender iştirakçıları iştirak haqqında müraciəti və digər sənədləri 2008-ci il avqustun 1-dən gec olmayaraq Ekologiya Nazirliyinə təqdim etməlidirlər.
Tender təklifləri avqustun 18-dək qəbul ediləcək və avqustun 19-da Bakı vaxtilə 11.00-da Azərbaycanın Ekologiya və Təbii Sərvətlər Nazirliyinin binasında açılacaq.
