Azərbaycan, Bakı, 23 iyul/ Trend , müxbir İ.Xəlilova/ Qara dəniz Ticarət və İnkişaf Bankının (QTİB) İdarəçilər Şurasının sentyabrın 15 - də keçiriləcək XI illik iclasında Azərbaycan hökuməti QTİB-in kapitalında qalan 3 faiz azad səhmin əldə edilməsi barədə qərarını elan edəcək. Bu barədə çərşənbə günü ölkənin İqtisadi İnkişaf Nazirliyindən məlumat veriblər. Bu qərarın hələ iyun görüşündə açıqlanacağı gözlənilirdi. Lakin o vaxtadək Azərbaycan hökumətinin qəti mövqeyini açıqlamamasına görə məsələ açıq qalıb.
Hökumətdə hesab edirlər ki, Azərbaycan üçün ilk növbədə bankda institusional iştirakı artımaq mühümdür. Bu QTİB kapitalında ölkənin iştirak payının beş faizə qədər artması nəticəsində mümkün ola bilər. İkincisi Azərbaycanın Qara dəniz bankının maliyyə resurslarına çıxışı artacaq.
Bu gün Türkiyə, Rusiya və Yunanıstan hər biri 16,5 faiz, Bolqarıstan, Rumıniya və Ukrayna 13,5 faiz, Azərbaycan və Albaniya 2 faiz, Gürcüstan, Moldova və Ermənistan isə, hər biri 1 faiz paketə malikdir.
Hökumətin bu qərarı Azərbaycanın payını dörd ölkənin birgə kapitallaşma səviyyəsinədək çatdırmağa imkan verəcək.
Hazırda Azərbaycan QTİB kapitalına 6 mln. SDR ödəyib. Bankın açıqlanan kapitalı bu gün 1 mlrd. SDR təşkil edir. Bunun 300 mln. SDR ödənilib. Lakin bankın 2008 - ci ildən kapitalın ikiqat artırılmasına dair qərar qəbul edib.
İdarəçilərin görüşündə QTİB - ə yeni üzvlərin cəlb edilməsi mümkünlüyü istisna edilmir. Bunun yalnız yeni ölkələrin deyil, həm də yüksək reytinqə malik maliyyə institutlarının üzvlüyə cəlb edilməsi ilə baş verəcəyi gözlənilir. Almaniyanın İnkişaf Bankı (KFW) müşahidəçi qismində qoşulub. Yanvar ayında səhmdarlar sırasına Serbiyanın qəbul edilməsi mümkünlüyünün nəzərdən keçirilməsi gözlənilirdi, lakin bu barədə, hələ ki, bir qərar yoxdur.
Qara dəniz Bankında Azərbaycandan olan idarəçi iqtisadi inkişaf naziri Heydər Babayevdir, onun müavini isə, maliyyə naziri Samir Şərifovdur.
Qara Dəniz Ticarət və İnkişaf Bankı 1999 - cu il iyunun 1- dən fəaliyyət göstərir.
İyulun 23 -nə olan cari məzənnə -- 0,8065 AZN/USD.
Müəlliflə əlaqə saxlamaq üçün elektron ünvan: [email protected]