Azərbaycan, Bakı, 24 iyul/ Trend , müxbir S.Babayeva/ İyulun 21-nə olan məlumatlara əsasən, Azərbaycanda 776,8 min ha səpin sahəsindən 2,1 mln. ton payız və yaz taxıl bitkiləri yığılıb. Bu barədə cümə axşamı Kənd Təsərrüfatı Nazirliyindən məlumat veriblər. Bu, yığılmalı olan bütün sahələrin 90 faizi deməkdir.
2007- ci illə müqayisədə taxıl istehsalı 460,2 min ton artıb. Məhsuldarlıq hər hektara görə 27,6 senter və ya ötən illə müqayisədə 0,9 senter çox olub.
Kənd Təsərrüfatı Nazirliyindən bildiriblər ki, dağətəyi rayonlarda yığım davam edir.
Azərbaycanın Kənd Təsərrüfatı Nazirliyi 2008 - ci ildə, təlabat 3 mln. ton olmaqla, 2,3 mln. səviyyəsində taxıl istehsalını proqnozlaşdırır. Bunun 1,5 mln. tonu ərzaq taxılının payına düşür.
Müəlliflə əlaqə saxlamaq üçün elektron ünvan: [email protected]
