Azərbaycan, Bakı, 25 iyul/ Trend / Azərbaycanın sığorta şirkəti "Qarant Sigorta" yanvar-iyun ərzində 18 könüllü və 4 icbari sığorta növü üzrə təqribən 2,4 mln. manat sığorta pulu toplayıb. Bu barədə cümə günü şirkətdən məlumat veriblər.
Bağlanan müqavilələrin əsas hissəsini bədbəxt hadisələrdən sığorta, yük və avtomobil sığortası üzrə sazişlər təşkil edir.
Birinci yarımil ərzində şirkət dövlət büdcəsinə 30 min manatdan çox vergi ödəyib.
"Qarant Sigorta" həmçinin iyulun sonuna Nizamnamə kapitalını hazırki 1 mln. manatdan 5 mln. manatadək artırmaq niyyətindədir. Şirkət avqustda hüquqi statusunu səhmdar cəmiyyətə dəyişməyi planlaşdırır.
"Qarant Sigorta" Azərbaycanın sığorta bazarında 2007-ci ilin noyabrından fəaliyyət göstərir.
