Azərbaycan, Bakı, 29 iyul/ Trend , müxbir Ü.İsmayılova/ İyunda Bakının təkrar bazarında mənzillərin orta qiyməti $126561 təşkil edib. Bu barədə çərşənbə axşamı "Əmlak Bazarı İştirakçıları" İctimai Birliyindən məlumat veriblər. İyunda bir kvadrat metr mənzilin orta qiyməti $1626 təşkil edib ki, bu da may ayına nisbətən (kvadrat metrinə görə $1678) dörd faiz azdır.
İyunda Bakının təkrar mənzil bazarında təkliflər 1,5 faiz azalıb. Ay ərzində bazara 6,45 min mənzil təklif olunub. İyunda bir otağın orta qiyməti $52734 təşkil edib.
İyunda Bakının Nərimanov rayonundakı mənzillər təkrar bazar portfelinin böyük hissəsini - 19,6 faizini təşkil edib.
Bazarın portfelində üçotaqlı mənzillərin payı 35,1 faiz, ikiotaqlı mənzillərin payı isə 38,2 faiz təşkil edib.
Müəlliflə əlaqə saxlamaq üçün elektron ünvan: [email protected]
