Azərbaycan, Bakı, 29 iyul/ Trend / Sentyabrın 24 -25-də Astanada "TransAvrasiya-2008" beynəlxalq nəqliyyat forumu keçiriləcək. Bu barədə forumun təşkilatçısı kimi çıxış edən Confidence Energy Ltd şirkətinin (Böyük Britaniya) məlumatında bildirilir. Forumda Azərbaycanın Nəqliyyat Nazirliyinin nümayəndə heyəti iştirak edəcək.
Tədbir çərçivəsində yaxın və uzaq xarici ölkələrin nəqliyyat nazirlərinin iştirakı ilə açıq sessiya keçiriləcək.
Tədbir Qazaxıstan hökuməti, nəqliyyat-kommunikasiya kompleksinin iri şirkətləri, xüsusilə də " "Kazaxstan temir jolı" Milli Şirkəti" SC, "Gyr Astana" SC, "Aktau Beynəlxalq Dəniz Ticarət Limanı" RDM, "Kazaeronaviqasiya" RDM-in dəstəyi ilə keçirilir.
Forumun keçirilməsinin əsasə məqsədi milli nəqliyyat sistemlərinin, eləcə də transqitə nəqliyyat dəhlizlərinin inkişafı perspektivləri; yeni nəqliyyat marşrutlarının, nəqliyyat infrastrukturu və loqistikanın inkişafı üçün sərmayə imkanlarının qiymətləndirilməsi; nəqliyyat marşrutlarının formalaşdırılması vasitəsilə yeni bazarların inkişafının stimullaşdırılması; iki və çoxtərəfli əsasda dövlətlərarası əməkdaşlığın möhkəmləndirilməsi; Qazaxıstan, Avropa İttifaqı, Rusiya, Çin və Mərkəzi Asiya regionunun digər ölkələrinin nəqliyyatçılarının əməkdaşlığı üçün şəraitin yaradılmasıdır.