Azərbaycan, Bakı, 06 avqust/ Trend Captial , müxbir İ.Xəlilova/ "Vahid pəncərə" prinispinin tətbiqinə (2008 - ci ilin yanvarı) başlanılmasından Azərbaycanın Maliyyə Nazirliyi 24 min təsərrüfat obyektini qeydiyyata alıb. Bu barədə maliyyə naziri Samir Şərifov prezident İlham Əliyevin sədrliyi ilə keçən Nazirlər Kabinetinin 2008 - ci ilin I yarısında sosial-iqtisadi inkişafın yekunlarına həsr olunmuş iclasında məlumat verib.
Yeni sistemin yaradılmasından yeni müəssisələrin dövlət qeydiyyatı 20 dəfə - 2 günədək, təqdim edilən sənədlərin sayı isə bir neçə dəfə azalıb. Prosedurların sayı 13-dən beşə düşüb.
Vergi bəyannamələrinin təqdim edilməsi prosesi sahibkarlıq subyektlərinin qeydiyyat prosedurunun sadələşdirilməsini yüngülləşdirib. Nazirlik ötən ilin avqustundan elektron bəyannamələr sisteminin tətbiqinə başlayıb. Bu, vergi ödəyiciyilərinə vergi bəyannamələrini İnternet vasitəsilə təqdim etmək, proqram təminatı vasitəsilə onları tərtib etmək və düzgünlüyünü yoxlamaq, real vaxt rejimində şəxsi hesablama vərəqlərini yoxlamaq imkanı da verib.
Sahibkarlıq subyektlərinin dövlət qeydiyyatının təşkili üçün dövlət başçısının ehtiyat fondundan 4 mln. manat ayrılıb. Onlar "vahid pəncərə" prinsipinin tətbiqi üçün proqram təminatına lisenziyanın, zəruri avadanlığın alınması və quraşdırılması üçün nəzərdə tutulub.
Gələcəkdə elektron imzanın tətbiqi ilə biznesin dövlət qeydiyyatı prosesi on-line rejimdə mümkün olacaq.
Azərbaycanda biznesin sadələşdirilməsi tədbirləri məhz bu prosedurlar üzrə DB və BMK- nın Doing Business hesabatında islahatçı ölkələr onluğuna düşməyə imkan verəcək. Ölkə 2007-ci ildə bu mövqe üzrə 67, ümumilikdə isə biznesin aparılması şərtlərinin sadəlik dərəcəsi üzrə 178 ölkə arasıda 96 - cı yeri tutub. Yeni hesabat oktyabrda açıqlanacaq.
Beynəlxalq Maliyyə Korporasyası biznes-iqlimin inkişafı layihəsi çərçivəsində, bu işdə ölkəyə yardım göstərir.
Prosedurların sadələşdirilməsi nəticəsində, qeydiyyatdan keçən hüquqi şəxslərin sayının ildə hər il 10 -15 minədək artacağı gözlənilir. "Vahid pəncərə" tətbiq olunanadək onların sayı 4 -5 mindən çox olmayıb, 20 -30 mini isə fiziki şəxslərin payına düşüb.
Dünya təcrübəsində qeydiyyat prosedurlarının liberallaşdırılmasına görə başqa vəziyyət müşahidə edilir. ABŞ - da hər il qeydiyyatdan keçən 25 mln. sahibkarın 17 milyonu hüquqi şəxslərin payına düşür.
Cari mübadilə məzənnəsi -- 0,8093 AZN/USD.
Müəlliflə əlaqə saxlamaq üçün elektron ünvan - [email protected]
