Azərbaycan, Bakı, 07 avqust/ Trend , müxbir İ.Xəlilova/ 2008 - ci il iyulun 1-nə olan vəziyyətə görə, Azərbaycanın xarici borcları $2 590 mln.-a çatıb və bu, ÜDM-in 6,4 faizini təşkil edir. Bu barədə cümə axşamı ölkənin Maliyyə Nazirliyindən məlumat veriblər. İlin əvvəli ilə müqayisədə, xarici borcların həcmi 6,1 faiz artıb.
Əhalinin adambaşına düşən xarici borc $300,1 təşkil edir.
Birinci yarımildə $137,9 mln. kredit mənimsənilib. Xarici borca xidmətlərin göstərilməsinə çəkilən xərclər $163,4 mln. olub. Bununla yanaşı, $128,5 mln. borcun, $34,9 mln. isə faizlərin payına düşür. Kreditlərin ödənilməsi üçün büdcə vəsaitləri hesabına $77 mln. yönəldilib.
Xarici borcun strukturunda 14,5 faiz ($376,6 mln.) iqtisadi islahatlara yönəldilmiş kreditlərin payına düşür. Onlardan $95,4 mln. (3,7 faiz) - BVF-dən alınan borclar, $281,2 mln. (10,8 faiz) - DB-nin payına düşür. Kreditlərin əsas hissəsi investisiya layihələrinin maliyyələşdirilməsinə cəlb edilib - $2213,4 mln. (85,5 faiz). Bununla yanaşı, bu vəsaitlərin 35,4 faizi ($916 mln.) energetika sektoru, 8,2 faiz ($211,8 mln.) - kənd təsərrüfatı və meliorasiya, 20,4 faiz ($528,5 mln.) - yol tikintisi və nəqliyyat, 1,5 faiz ($38,8 mln.) - kimya sənayesi sahəsi, 6,3 faiz ($162,1 mln.) - neft-qaz sektoru, 7,7 faiz ($198,2 mln.) - sosial və s. sahələrə yönəldilib.
Avqustun 7-nə olan cari məzənnə -- 0,8097 AZN/USD.
Müəlliflə əlaqə saxlamaq üçün elektron ünvan: [email protected]
