Azərbaycan, Bakı, 13 avqust/ Trend , müxbir İ.Xəlilova/ Üç Beynəlxalq Maliyyə İnstitutu - Dünya Bankı, Asiya İnkişaf Bankı və Avropa Yenidənqurma və İnkişaf Bankı Ələtdə yeni beynəlxalq ticarət limanının tikintisi layihəsində iştirak üçün Azərbaycan hökumətinə müraciət edib. Bu barədə çərşənbə günü Azərbaycanın Nəqliyyat Nazirliyindən məlumat veriblər.
Əvvəllər Maliyyə Nazirliyi maliyyələşdirmə üzrə təkliflərini təqdim etmələri xahişi ilə Societe General, BNP Paribas və Çexiyanın Eksimbank-ına müraciət edib.
İlkin hesablamalara əsasən, limanın dəyəri $396 mln. qiymətləndirilib. Lakin son məlumatlara əsasən, layihənin birinci mərhələsinin dəyəri əvvəllər planlaşdırılan $225 mln.-dan $300 mln.- dək artıb.
Hökumət infrastrukturun yaradılmasını öz vəsaitləri hesabına həyata keçirmək niyyətindədir. Lakin, ola bilsin ki, işlərin 80 faizi xarici kreditlər hesabına maliyyələşdiriləcək.
Hazırda Nəqliyyat Nazirliyinin məsləhətçisi - Koreyanın GS Engineering & Construction şirkəti layihənin texniki-iqtisadi əsaslandırılmasını hazırlayıb. İl ərzində tender sənədləşdirməsinin hazırlanması üçün məsləhətçi, həmçinin, layihəçi cəlb etmək planlaşdırılır. Layihənin layihələndirilməsinə altı ay vaxt ayrılacaq.
"Ümumilikdə yeni multimodal dəniz limanı tikiləcək. Belə ki, loqistika mərkəzindən əlavə, gələcəkdə bu ərazidə azad ticarət zonasının yaradılması planlaşdırılır", - nazirlikdəki mənbə bildirib.
Limanın tikintisinin birinci mərhələsi 2008 -2011- ci illəri, ikinci - 2011-2013 - cü illər, dördüncü isə, 2013 - 2015 - ci illəri əhatə edəcək. Hər mərhələdə müəyyən infrastrukturun - quru yüklər üçün meydançanın, konteyner terminalının, böyük parkın və s. yaradılması planlaşdırılır.
Avqustun 13-nə olan cari məzənnə -- 0,8131 AZN/USD.
Müəlliflə əlaqə saxlamaq üçün elektron ünvan: [email protected]
