Azərbaycan, Bakı, 19 avqust/ Trend , Ü.İsmayılova/ Sentyabrda Maliyyə Nazirliyi Azərbaycan Sığortaçılar Assosiasiyası ilə birlikdə aktuar işin ikişafı və mütəxəssislərin hazırlanması üçün aktuarilər kursunun birinci mərhələsini təkrar keçirəcək, - çərşənbə axşamı Assosiasiyanın icraçı direktoru Qafar Məcidov deyib.
"Aktuari kursların təkrar birinci mərhələsini yerli müəllimlər aparacaqlar", - Məcidov bildirib.
Azərbaycanda aktuari kursları ilk dəfə olaraq 15 iyul-7 avqust tarixlərində keçirilib. Məşğələləri kanadalı mütəxəssis Maykl Dzi aparıb.
Aktuarilər kursu maliyyə stabilliyi üzrə əməkdaşlıq proqramı çərçivəsində USAID-in maliyyə dəstəyi ilə Azərbaycanın Maliyyə Nazirliyi tərəfindən təşkil edilib.
Dördmərhələli kurslar aktuar fəaliyyətin faiz nəzəriyyəsi, ümumi sığorta və yenidən sığorta, həyat sığortası, pensiya sığortası və sosial təminat, sığorta şirkətlərinin sərmayə, maliyyə hesabatı kimi mövzuları əhatə edəcək.
