Azərbaycan, Bakı, 21 avqust / Trend , müxbir U.İsmayılova/ Cari ilin yanvar-iyun ayları ərzində Azərbaycanın bütün sığorta şirkətlərinin gəlirləri 133,3 mln. manat təşkil edib. Bu barədə cümə axşamı Azərbaycan Maliyyə Nazirliyindən bildiriblər.
Cari ilin birinci yarısının yekunları üzrə sığorta haqları 97,9 mln. manat, təkrar sığorta haqları 3,8 mln. manat, sığorta ehtiyatlarının qaytarılması 13,8 mln. manat, şirkətlərin sığorta ehtiyatlarına sərmayə yatırımlarından gəlirləri 3,6 mln. manat, digər gəlirlər 9,9 mln. manat təşkil edir.
Yanvar-iyunda sığorta şirkətlərinin xərcləri 120,3 mln. manat təşkil edib.
Şirkətlərin sığorta ödəmələri 22 mln. manat, sığorta ehtiyatları üçün ayırmalar 40,9 mln. manat, təkrar sığorta üzrə ödəmələr 35,5 mln. manat, administrasiya işləri üzrə xərclər 329 min manat, sığorta fəaliyyəti üzrə xərclər 1,3 mln. manat, digər xərclər 400 min manat təşkil edib.
Şirkətlərin balans mənfəəti iki rüb ərzində 13 mln. manat, balans ziyanı 0, büdcəyə ödəmələr 793 min manat təşkil edib.
Azərbaycanda 28 sığorta və bir təkrar sığorta şirkəti fəaliyyət göstərir
Məqalə müəllifi ilə əlaqə ünvanı - [email protected]
