Azərbaycan, Bakı, 25 avqust / Trend , E.İsmayılov/ Sentyabrın ortalarında "Azərbaycaq Hava Yolları" (AZAL) Qapalı tipli Səhmdar Cəmiyyəti Fransa istehsalı olan ATR markalı altıncı təyyarəni əldə edəcək. Bu barədə bazar ertəsi QSC-dən bildiriblər.
"Yeni təyyarəni sentyabrın ortalarında alacağıq", - deyə QSC -dən bildiriblər.
AZAL ATR markalı beşinci təyyarəni iyulda əldə edib. Şirkət tərəfindən üçüncü və dördüncü təyyarələr may və iyun aylarında əldə olunub. Mayda alınan təyyarə hazırda Bakı- Mineralnıye Vodı - Bakı marşrutu üzrə aviareysləri həyata keçirir.
Ötən il Konsern bu istehsalçıdan iki hava gəmisi alıb. AZAL Fransa istehsalı olan ATR markalı yeni təyyarələri, ilk növbədə, Naxçıvan, Gəncə, Lənkəran və Zaqatala aeroportlarına sərnişin daşımalarında istifadə etmək niyyətindədir.
AZAL ATR tipli təyyarə istehsal edən Fransa aviaqayırma müəssisəsinə iki ATR - 42-500S və dörd ATR - 72-500S təyyarəsinin alınmasına dair sifariş verib. Müqavilənin ümumi dəyəri təxminən 97,2 mln. dollardır. Bunlar 50 -70 yerlik kiçik təyyarələr olacaq.
Altı yeni təyyarənin əldə edilməsi Azərbaycana "Antonov" və "Tupolev" markalarını dəyişməklə, parkını yeniləmək və yeni regional marşrutlar yaratmaq imkanı verəcək.
Məqalə müəllifi ilə əlaqə ünvanı: capital