Azərbaycan, Bakı, 25 avqust/ Trend müxbir S.Babayeva/Cari ilin yanvarında Afrika taununun aşkar edilməsi il əlaqədar karantinin tətbiq edildiyi Qəbələ rayounun Nic kəndində donuzçuluq təsərrüfatlarının fəaliyyətinin bərpası məsələsinə 2009 - cu ilin yazında baxılacaq.
"Təhlükəsizlik məqsədilə biz [Kənd Təsərrüfatı Nazirlyi nəzdinə Dövlət Baytarlıq Xidməti] bu təsərrüfatların fəaliyyətinin bərpa edib - etməmək barədə düşünəcəyik", - Dövlət Xidmətinin mətbuat katibi Yolçu Xanvəli bazar ertəsi bildirib.
Dövlət Baytarlıq Xidməti "Afrika taunu" aşkara çıxan Nic kəndində (Bakıdan 250 km məsafədə yerləşir) karantin elan edib. Bu, Azərbaycan ərazisində "Afrika taunu"nun ilə bağlı ilk faktdır. 378 kənd ailəsinin təsərrüfatında saxlanılan 4863 baş donuz (506 ton donuz əti) məhv edildikdən sonra martın 28 - də karantin götürülüb.
Kənd sakinləri donuzların kütləvi məhvi ilə əlaqədar 1,266 mln. məbləğində kompensasiya alıblar.
Donuzların "Afrika taunu" (Pestis africana suum) - retikul-edotelial sistemin yoluxması ilə xarakterizə edilən kəskin virus xəstəliyidir. Təbii yoluxma sağlam donuzların xəstə və virus daşıyıcları olan heyvanlarla əlaqəsi zamanı baş verir. İnfeksiya yem, otlaq, nəqliyyat vasitəsilə yayıla bilər. İnkubasiya dövrü 2-5 gündür. Müalicə hələ ki, tapılmayıb. Xəstəlik çox sürətlə yayıldığındar, profilaktik tədbirlər xəstə olması güman edilən heyvanların ciddi şəkildə təcrid olunmasına yönəlib.
Ölkədə donuzçuluq təsərrüfatları Zaqatala, Şəki, Balakən, Gəncə və Bakı ətrafında saxlanılır.
Xanvəlinin sözlərinə görə, hazırda Azərbaycan Afrika taununun aşkar edildiyi Şimali Osetiyadan ölkəyə ət məhsullarının gətirilməsinə qadağa qoyub.
Müəlliflə əlaqə saxlamaq üçün elektron ünvan: [email protected]
