Azərbaycan, Bakı, 28 avqust/ Trend Cap müxbir Ü.İsmayılova/Azərbaycanın yeni sığorta şirkəti - Qala Sığorta ASC ilk üç müqaviləni bağlayıb, - cümə axşamı Şirkətin İdarə Heyətinin sədri Abbas Bağırov deyib.
"Bütün müqavilələr avtomobil sığortası üzrə polislərdir ibarətdir", - Bağırov bildirib.
İdarə Heyəti sədrinin sözlərinə görə, hazırda şirkət inzibati məsələləri başa çatdırmaq üzrədir və sentyabrdan bazarda fəal işə başlayacaq.
Qala Sığorta Maliyyə Nazirliyindən sığorta işinin aparılması üzrə lisenziyanı iyulun 31-də alıb. Şirkətin təsisçisi Azərbaycanda yeganə təkrar sığorta şirkəti olan "AZRE təkrarsığorta"dır. Şirkətin Nizamnamə kapitalı 1 mln. manatdır.
Azərbaycanın ilk təkrar sığorta şirkəti AzRE 2007 - ci il noyabrın 7-də Azərbaycanın Maliyyə Nazirliyindən təkrar sığorta fəaliyyətinin aparılması üçün lisenziya alıb. Şirkətin Nizamnamə kapitalı 2 mln. manat təşkil edir. Şirkətin səhmdarları 6 fiziki şəxsdir. Şirkəti həm yerli, həm də regional təkrarsığorta şirkətləri və təkrarsığorta vasitəçilərinə Non-life sığorta xidmətləri göstərir.
Azərbaycanda, yeni şirkət nəzərə alınmaqla, 28 sığorta və bir təkrarsığorta şirkəti var. Maliyyə Nazirliyinin məlumatlarına görə, cari ilin birinci rübünün yekunları üzrə şirkətlər 8,99 mln. manat ödəmələr etməklə, 51,6 mln. manat məbləğində sığorta haqları yığıb.