...

Gürcüstan Dəmir Yolu Qara dəniz istiqamətində sərnişin daşınmalarını bərpa edib

Biznes və iqtisadiyyat xəbərləri Materials 1 Sentyabr 2008 16:36 (UTC +04:00)

Trend-i buradan izləyin

Azərbaycan, Bakı, 01 sentyabr/ Trend , müxbir E.İsmayılov/ Bazar ertəsi Gürcüstan Dəmir Yolu (GDY) bu ölkənin Qara dəniz limanları istiqamətində sərnişin qatarlarının hərəkətini bərpa edib. Qatarların hərəkəti bir müddət əvvəl Gürcüstanın Kaspi şəhəri yaxınlığında dəmir yolu körpüsünün partladılması nəticəsində dayandırılmışdı. Bu barədə bazar ertəsi GDY- dən Trend -a məlumat veriblər.

"Bugündən alternativ marşrutla sərnişin qatarlarının hərəkətinə başlanılıb", - GDY- dən qeyd ediblər.

Qatarların hərəkəti körpüyə paralel yeni marşrutla həyata keçirilir. Sərnişin qatarlarının hərəkəti körpünün möhkəmliyi yoxlanıldıqdan sonra bərpa edilib. Bu alternativ marşrutla yük qatarlarının hərəkəti avqustun 24 - də başlayıb, - GDY- dən bildiriblər.

Bu hərəkətdə istiqamət normal rejimdə həyata keçirilir,- Gürcüstan Dəmir Yolu İdarəsində vurğulayıblar.

"Alternativ körpü əsas körpüdən bir kilometr uzundur", - GDY- də qeyd ediblər.

Avqustun 16 - da Gürcüstanın Kaspi şəhəri yaxınlığında yerləşən körpünün partladılması nəticəsində (Kulevi, Batumi və Poti limanlarına aparır), dəmir yolu ilə quru yük, neft və neft məhsullarının göndərilməsi dayandırılıb. Körpüdə fəal təmir işləri aparılır. GDY tamamilə yenidən qurulan körpünü (əvvəllər partladılan) sentyabrın 11 - də istismara verəcək.

Partlayışdan bir neçə gün sonra alternativ dəmir yolu körpüsündə təmir işləri aparılıb. İşlər bir neçə gün davam edib və gürcü və azərbaycanlı mütəxəssislər tərəfindən aparılıb. Bu dəmir yolu yatağı köhnədir və 1901 - ci ildə istismara verilib. Əvvəlcə mütəxəssislər bu körpü ilə iritonnajlı qatarların hərəkət imkanını istisna etsələr də, bu istiqamətdə hərəkətin başlanması haqqında qərar qəbul edilib.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti