Azərbaycan, Bakı, 05 sentyabr / Trend / Azərbaycan Nəqliyyat Nazirliyinin nümayəndələri sentyabrın 17-18-də Pireydə (Yunanıstan) keçiriləcək "Quru və dəniz nəqliyyatını birləşdirən limanların rolu" adlı konfransda iştirak edəcək. Bu barədə nazirliyin məlumatında bildirilir.
Konfransın keçirilməsində məqsəd nəqliyyat sənayesi, beynəlxalq maliyyə strukturları, Qeyri-Hökumət Təşkilatları, ozəl sektor mütəxəssislərinin və limanların səmərəlilik məsələləri üzrə akademik işçilərin maarifləndirilməsindən ibarətdir.
Müzakirələr zamanı təqdim olunacaq tövsiyələr dəniz limanlarının quruda birləşmə məsələləri üzrə UNECE işçi qrupu tərəfindən qeydə alınacaq.
