Azərbaycan, Bakı, 09 sentyabr / Trend , müxbir S.Babayeva/ İlin əvvəlindən Azərbaycan rayonlarında keçirilən əmək yarmarkalarının yekunu üzrə 3664 nəfər işə qəbul olunub. Bu barədə çərşənbə axşamı Əmək və Əhalinin Sosial Müdafiə Nazirliyinin Baş Məşğulluq İdarəsindən məlumat verilib.
Yarmarkalar ölkənin 37 rayon və şəhərində keçirilib və ilin sonunadək davam etdiriləcək.
"Yarmarkalarda 1357 müəssisə iştirak edib və 13042 vakant yer təklif edib", - deyə nazirlikdən bildiriblər.
Peşə hazırlıq kurslarına 340 nəfər, haqqı ödənilən ictimai işlərə isə 227 nəfər yönəldilib.
Növbəti yarmarka Astarada keçiriləcək.
2007-ci ildə nazirlik Azərbaycanın 55 regionunda 57 yarmarka həyata keçirib. Yekunda 9056 nəfər işlə təmin edilib.
Məqalə müəllifi ilə əlaqə ünvanı: Capital