Azərbaycan, Bakı, 10 sentyabr / Trend , müxbir İ.Xəlilova/ "Avropa Yenidənqurma və İnkişaf Bankı (AYİB) dövlət müəssisələrinin özəlləşdirilməsində iştirak edə və səhmlərin 30 faizədək hissəsinin alınmasına sərmayə yatıra bilər", - Dövlət Əmlakının İdarə Edilməsi üzrə Dövlət Komitəsinin (DƏİDK) sədr müavini Rüstəm Şahbazov çərşənbə günü bildirib.
"Azərbaycanın qanunvericiliyi dövlət müəssisələri səhmlərinin hissə-hissə satılmasına imkan vermir və bu, özəlləşdirilmə prosesində həyata keçirilə bilər, - Şahbazov bildirib. "AYİB dövlət müəssisəsini özəlləşdirən şirkətlərlə konsorsiumda çıxış edə bilər, belə ki, bank 25 faizədək həcmdə səhm almağa hazırdır", - o əlavə edib.
AYİB-in dövlət müəssisələrinin yenindən qurulması və sağlamlaşdırılmasında böyük iştirak təcrübəsi var və fərdi layihələr əsasında özəlləşdirmə prosesinə böyük həcmdə vəsait yatırır.
Özəlləşdirmə prosesində müəssisənin şəffaflığına əsas diqqət verilsə də, layihənin kommersiya istiqaməti də nəzərdən keçirilir. AYİB müəssisələri seçərkən, onun özəlləşdirmədənöncə restrukturlaşdırılmasına texniki yardım göstərməyə hazırdır.
"Biz kapitalın artırılmasına sərmayə yatıra və bu prosesdə iştirak edə bilərik. Lakin AYİB özünü maliyyə baxımından doğruldan və yatırılan vəsaitlərin geri qaytarılmasını təmin edən layihələrdə iştiraka böyük üstünlük verir, - Avropa bankının Bakı nümayəndəliyinin rəhbəri Frensis Deleyi bir müddət əvvəl bildirib. - Strateji sərmayədar kimi üstünlük belədir ki, bizim iştirakımız digər mənbələrdən əlavə vəsaitlərin cəlb edilməsinə yardım edir".
Müəlliflə əlaqə saxlamaq üçün elektron ünvan: [email protected]