Azərbaycan, Bakı, 12 sentyabr / Trend , müxbir S.Babayeva/ Azərbaycanın Əmək və Əhalinin Sosial Müdafiəsi Nazirliyi ölkənin üç regionunda əmək yarmarkası keçirib.
Əmək Nazirliyinin baş məşğulluq idarəsindən verilən məlumata görə, Lerik, Ağdam və Goranboydakı yarmarkaların yekunları üzrə 128 nəfər işlə təmin edilib.
"Yarmarkalarda 594 vakant yerlə 62 müəssisə iştirak edib", - nazirlikdən deyiblər.
Bu günədək ölkənin 46 rayonunda 1586 müəssisənin iştirakı ilə yarmarkalar keçirilib və nəticədə 4223 şəxs işlə təmin edilib.
Növbəti yarmarkalar Beyləqan, Zərdab və Yevlaxda keçiriləcək.
2007-ci ildə Əmək Nazirliyi Azərbaycanın 55 regionunda 57 yarmarka keçirib. Nəticədə 9056 şəxs işlə təmin edilib.
