Azərbaycan, Bakı, 12 sentyabr / Trend , müxbir Ü.İsmayılova/ Azərbaycan Milli Bankı (AMB) ilin sonunadək Valyuta Ehtiyatları İdarəsindən təqribən 150 mln. dollar mənfəət əldə etməyi planlaşdrır. Bu barədə cümə günü Bankın İdarə Heyətnin sədri Elman Rüstəmov bildirib.
"Bu gün Milli Bankın balansında kiçik itkilər qeydə alınır, onlar aktivlərin artması ilə əlaqədardır. Hazırki itgilər mühasib mahiyyəti daşıyır", - deyə Rüstəmov bildirib.
Milli Bank rəhbərinin sözlərinə görə, bank həmçinin, valyuta ehtiyatlarının artması ilə bağlı xarici menecerlərin sayını genişləndirməyi nəzərdə tutur. O bildirib ki, bu gün bank, valyuta ehtiyatlarını cəlb edilən menecerlərdən heç də pis idarə etmir.
"Daha zəruri məsələlərin mövcud olması ilə əlaqədar əlavə menecerlərin seçilməsi və ya hazırki idarəçilər portfelinin genişləndirilməsi 2009-cu ilə qədər təxirə salınıb", - deyə Rüstəmov bildirib.
Azərbaycanda 45 bank fəaliyyət göstərir.
Məqalə müəllifi ilə əlaqə ünvanı - [email protected]
