...

Daha bir bank Azərbaycanın bank bazarına çıxmağa hazırlaşır

Biznes və iqtisadiyyat xəbərləri Materials 12 Sentyabr 2008 18:06

Trend-i buradan izləyin

Azərbaycan, Bakı, 12 sentyabr / Trend , müxbir İ.Xəlilova/ Azərbaycanın Milli Bankı (AMB) fəaliyyət üçün yeni bank - PAL Bank-a icazə verməyə hazırlaşır. Cümə günü AMB-nın İdarə Heyətinin sədri Elman Rüstəmovun bildiridiyinə görə, bankın sənədləri hazırdır və ona ümumi lisenziyalaşdırma qaydasında baxılacaq.

PAL Bank ilkin olaraq Vergilər Nazirliyində CP BANK kimi qeydiyyatdan keçib. Lakin sonradan səhmdarlar onun adını dəyişiblər. Bank 11 mln. manat ($13 mln) Nizamnamə kapitalı ilə qeydiyyatdan keçib. Bankın əsas təsisçiləri qismində Mais Mənsimov ("Palmali Group"un prezidenti), Marif Mənsimov və "Palmali gemi Hizmetleri ve Acentelik LTD" çıxış edirlər. PAL Bank-ın qanuni nümayəndəsi isə Əziz Teksoy təyin edilib.

PAL Bank-ın emissiyalarının həcmi 10 min səhm təşkil edəcək. Bankın hüquqi ünvanı: Bakı ş., Nəsimi rayonu, Keykab xanım Səfərli küç, ev 2.

"Palmali" şirkəti Aralıq dənizi, Xəzər dənizi, Baltik və Qara dəniz hövzələrində yüklərin daşınmasında ixtisaslaşıb. Bunadan başqa, şirkət Rusiyanın daxili limanlarında daşımalar üzrə liderdir. "Palmali"nin donanması şəxsi və icarəyə götürülmüş gəmilərdən ibarətdir. Şirkət əsasən neft məhsullarının (benzin, qazoyl, vakkumlu qazoyl, peç yanacağı, kerosin), xam neft, ərzaq və sənaye yağlarının nəqlində ixtisaslaşıb. Bununla yanaşı, "Palmali" bütün növ quru yüklərin daşındığı şəxsi quru yük donanmasına malikdir.

Sentyabrın 12-nə rəsmi valyuta məzənnəsi 0,8155 AZN/USD-dır.

Xəbər lenti

Xəbər lenti