...

Xarici kreditlərin bahalaşması Azərbaycanda inflyasiyaya təsir göstərəcək - nazir

Biznes və iqtisadiyyat xəbərləri Materials 16 Sentyabr 2008 20:50

Trend-i buradan izləyin

Azərbaycan, Bakı, 16 sentyabr/ Trend , müxbir İ.Xəlilova / "Xarici ehtiyatların bahalaşması inflyasiyaya birbaşa təsir göstərə bilər və bununla əlaqədar 2008 - ci ilin yekunları üzrə istehlak qiymətləri indeksi 20 faiz həddinə ola və hətta bu göstəricini ötə bilər", - Azərbaycanın iqtisadi inkişaf naziri Heydər Babayev bildirib.

"Xarici kreditlərin bahalaşması idxal edilən xidmət və malların dəyərinin artmasına təsir göstərəcək, - nazir qeyd edib. - Qiymətli kağızlar bazarını tərk edən əksər sərmayədarlar əmtəə bazarına üstünlük verirlər ki, bu da müvafiq olaraq, spekulyativ kapitalın həcminin artmasına və malların qiymətlərinin dəyişməsinə gətirəcək".

İqtisadi İnkişaf Nazirliyinin ilin sonuna inflyasiya gözləmələri üzrə proqnozları 20 - 23 faiz səviyyəsində müəyyən edilib. Azərbaycan Milli Bankı İdarə Heyətinin sədri Elman Rüstəmovun bir müddət əvvəl verdiyi bəyanata görə, ölkədə inflyasiyanın artım templəri bir qədər azalıb ki, bu da büdcə vəsaitlərinin xərclənməsi templərinin yavaşıması ilə bağlıdır.

2008 - ci ilin yanvar-avqustunun yekunları üzrə ölkədə istehlak qiymətləri indeksi 2007-ci ilin dekabrına nisbətdə 13 faiz olub. İllik hesablamada inflyasiya yeddi ay ərzindəki 20,9 faizə qarşı 21,3 faiz təşkil edib. 2009 - cu ildə inflyasiyanın artım templəri 2008 - ci illə müqayisədə aşağı olsa da, o, ikirəqəmli səviyyədə olacaq. 2012 - ci ilədək inflyasiyanın səviyyəsinin birrəqəmli səviyyəyədək azalacağı gözlənilir.

Sentyabrın 16-na olan cari mübadilə məzənnəsi -- 0,8139 AZN/USD.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti