Azərbaycan, Bakı, 17 oktyabr/ Trend / 2008-ci ilin sentyabrında Azərbaycanda kənd təsərrüfatı məhsullarının qiymətləri, ötən ayla müqayisədə, 2,6 faiz azalıb. Yanvar-sentyabrda, 2007-ci ilin müvafiq dövrü ilə müqayisədə, 12,9 faiz artım müşahidə olunub,- Dövlət Statistika Komitəsi xəbər verir.
Ötən ilin avqustu ilə müqayisədə, sentyabrda bitkiçilik və bostançılıq məhsulları üzrə 1,1 faiz artım qeydə alınıb. Meyvə və fındıq 1,4 faiz, dənli bitkilər - 1,3 faiz azalıb, xüsusiləşdirilmiş bağçılıq məhsulları 11,3 faiz bahalaşıb.
Ötən ayla müqayisədə, heyvandarlıq məhsulları üzrə 4,4 faiz azalma müşahidə olunub. İribuynuzlu mal - qara və onun məhsullarının qiymətləri 11,1 faiz, kiçikbuynuzlu mal - qaranın qiyməti 4,5 faiz azalıb.
Meşə təsərrüfatı və balıqçılıq məhsullarının qiymətləri dəyişməz qalıb.
