Azərbaycan, Bakı, 07 noyabr/ Trend , müxbir Ü.İsmayılova/Azərbaycan Milli Bankı nəzdində Azərbaycan İpoteka Fondu (AİF) Maliyyə Nazirliyindən 11 mln. manat həcmində ikinci tranşı əldə edib. Bu barədə cümə günü Fonddan bildiriblər.
10 mln. manat həcmində olan birinci tranş Fonda aprel ayında köçürülüb. Maliyyə Nazirliyi bu il AİF -ə, əvvəllər verilən kreditlərin təkrar maliyyələşdirilməsi üçün 34 mln. manat vermək niyyətindədir.
AİF xətti ilə yeni verilən ipoteka kreditlərinin təkrar maliyyələşdirilməsi vəsait çatışmazlığından, 2007-ci il sentyabrın 20 - dən dayandırılıb. Fonda, fəaliyyətə başladığı vaxtdan (2006 - cı ilin martında), ümumilikdə 23 səlahiyyətli banka 67,8 mln. manat məbləğində 1,8 min kredit verilib.
2006 və 2007-ci illərin dövlət büdcəsindən Fond üçün 46 mln. manat ayrılıb. Fondun ümumi ipoteka portfeli 260 mln. manat qiymətləndirilir.
Məqalə müəllifi ilə əlaqə ünvanı: [email protected]
