Azərbaycan, Bakı, 08 noyabr/ Trend , müxbir N.İsmayılova/ 2008-ci ilin 10 ayı ərzində 1400 - dək kiçik dövlət müəssisə və obyekti, o cümlədən də obyektlərin yerləşdiyi 600 torpaq sahəsi özəlləşdirilib, - Daşınmaz Əmlakın İdarə Edilməsi üzrə Dövlət Komitəsindən şənbə günü bildiriblər.
2006-cı ilin avqustunda özəlləşdirməyə açılmış 401 səhiyyə, təhsil, idman və mədəniyyət idarə və obyektlərindən 165-ə yaxını artıq özəlləşdirilib. Onların dövlətsizləşdirilməsi çərçivəsində, yeni sahibləri qarşısında müəssisənin profilinin saxlanılması, müəssisə işçilərinin sosial təminatı və hüquqlarının müdafiəsinin təşkili şərti qoyulurdu.
Hesabat dövrü ərzində özəlləşdirmə çərçivəsində dövlət müəssisələrinin bazasında təxminən 10 Səhmdar Cəmiyyət yaradılıb.
Cari ildə kommunikasiya sahəsində dövlətin Azercell Telecom-dakı 35,7 faizlik payı özəlləşdirilib. Türkiyənin Azercell Telekommunikasyon Yatirim Dis Ticaret şirkəti ilə müqavilə 2008-ci il fevralın 11- də imzalanıb.
Caspian-American Telecommunications LLС-nin Nizamnamə kapitalındaki dövlət payının özəlləşdirilməsindən dövlət bücəsinə 3,8 mln. manat daxil olub.
Yayda Kapital Bank dövlət bankının özəlləşdirilməsi də başa çatıb. Dövlətə məxsus səhmlərin beş faizi, bankın əmək kollektivi və qanunvericiliyə görə, onlarla bərabər hüquqa malik şəxslərə, 10 faizi fikizi və 85 faizi hüquqi şəxslərə satılıb.
2008-ci ildə sərmayə müsabiqəsi yolu ilə regionlarda yerləşən və tikinti, kənd təsərrüfatı, taxılçılıq sahəsində ixtisaslaşmış 13 Səhmdar Cəmiyyət özəlləşdirilib. Bunlara Azermetbuatyayimi, Azerelektroterm, Goychay-Chorek,Gence Agac Emali, Salyan Mehmanxana, Gence Deyirman Salyan Taxil, Baki Agirlashdiricilar, Celilabad Broyler, Gence et-sud, Imishli Yol Tikinti-6, Baki Inshaat-2, Ceyranbatan Sutikintitachizad daxildir.
Sərmayədarlar bu müəssisələrin yenidən qurulmasına 15 mln. manat vəsait yatırmağı, dövlət büdcəsinə yeddi mln. manat köçürməyi və 1100 yeni iş yeri açmaq barədə öhdəlik götürüblər.
Müsabiqə qalibləri 2008-ci ilin yanvar-oktyabrı ərzində özəlləşdirilmiş müəssisələrə təxminən 20 mln. manat sərmayə yatırıb və 600 - dək iş yeri açıblar.
Cari ilin 10 ayı ərzində özəlləşdirilmiş 20 müəssisə artıq alıcılara verilib.
Noyabrın 8-nə olan cari mübadilə məzənnəsi -- 0,8086 AZN/USD.
Müəlliflə əlaqə saxlamaq üçün elektron ünvan: [email protected]
