Azərbaycan, Bakı, 12 noyabr/ Trend , müxbir N.İsmayılova/ "Bank Melli İran-ın Bakı filialı Azərbaycanda kreditləşdirmə siyasətini dəyişdirməyə hazırlaşır", - Bankın filialının İdarə Heyəti sədrinin müavini Anar İbrahimov bildirib.
"İstehlak kreditləşdirməsi sahəsində müəyyən məhdudiyyətlər yaransa da, onlar müstəsna şəkildə baş ofisin siyasəti ilə bağlıdır, - İbrahimov bildirib. Baş ofis hazırda kredit portfelinin artırılması məqsədilə kreditləşdirmə siyasətinin dəyişdirilməsi məsələsi üzərində işləyir".
Hazırda borcların verilməsində məhdudiyyətlərlə əlaqədar filialın portfeli o qədər də yüksək deyil.
İbrahimov kreditləşdirmədəki problemləri Bank Melli İran-ın hazırda yalnız daşınmaz əmlakın girov qoyulması ilə kreditin verilməsi, avtomobil girovu altında borcların verilməsinin müvəqqəti dayandırılması ilə izah edib.
Onun sözlərinə görə, bankın siyasəti kreditlər və ümumi kredit portfelinin limitlərinin, ödəmə müddətlərinin artırılmasına yönəlib. Bu gün istehlak krediti üçün limit 10 min, biznes-kredit üçün 50 min dollar təşkil edir. Bank kredit ehtiyatlarını illik 23 faiz dərəcə ilə verir.
2008 - ci il noyabrın 1-nə olan vəziyyətə görə, bankın aktivləri 18,51 mln. manat, Nizamnamə kapitalı 10 mln. manat, məcmu kapitalı 11,28 mln. manat, kredit portfeli 6,37 mln. manat təşkil edib. 10 ay ərzində bankın mənfəəti 1,15 mln. manat təşkil edib.
Bank Melli Iran-ın dünyada geniş filial şəbəkəsi var.
Noyabrın 11-nə olan cari mübadilə məzənnəsi -- 0,8095AZN/USD.
Müəlliflə əlaqə saxlamaq üçün elektron ünvan: [email protected]