Azərbaycan, Bakı, 13 noyabr / Trend , müxbir A.Bədəlova/ Rusiya Mərkəzi Bankı xaricə kapital axınının səviyyəsini azaltmaq və inflyasiya tendensiyalarını dayandırmaq məqsədilə noyabrın 12-dən yenidənmaliyyələşmə tariflərini bir faiz - illik 12 faizədək artırıb. Bu, 2008-ci il üçün sayca beşinci artımdır. On il ərzində ilk dəfə, bu ilin fevral ayında Mərkəzi Bankın tarifləri 10,25 faiz artıb. Bu yeni görülən tədbir qəbul olunmuş ümumi təcrübəyə ziddir - dünyanın mərkəzi bankları payız mövsümü ərzində baza tariflərini fəal şəkildə azaldaraq, monetar siyasətin yumşaldılması barədə qərar qəbul ediblər.
Rusiyanın aparıcı investisiya banklarından biri olan Alfa Bank-ın analitiki Olqa Naydenovanın fikrincə, Mərkəzi Bankın tarifləri artırmaq barədə qərarı xaricə kapital axınını azaltmayacaq.
"Bu gün tariflərin artırılması mövcud qeyri-stabillikdən xəbər verir. Öz qərarı ilə bank rublun gələcəkdə zəifləməsindən qaçmağa və xaricə kapital axınını azaltmağa çalışır, amma bu az realdır" - Naydenova cümə axşamı Trend -a telefonla bildirib.
UniCredit Group beynəlxalq maliyyə qrupunun bir hissəsi olan "YuniKredit Aton" şirkətinin iqtisadçısı Vladimir Osakovskinin sözlərinə görə, Mərkəzi Bankın yenidənmaliyyələşmə tariflərilərini artırmaq barədə qərarı bankların kredit tariflərinin artırmaları ilə nəticələnəcək. Bu isə maliyyə böhranı şəraitində, iqtisadiyyatın ucuz pula ehtiyac duyduğu vaxtda yaxşı hal deyil. Amma Osakovskinin də dediyi kimi, bu tədbir heç də maliyyə sektorunun stimullaşdırılmasına deyil, milli valyutanı qorumağa xidmət edir.
"Məqsəd maliyyə sektorunun stimullaşdırılması deyil, hazırda artan təzyiq altında qalan milli valyutaya dəstək verməkdir" - Osakovski Trend -ın müxbirinə telefonla söyləyib. Ekspertin sözlərinə görə, bu səbəbdən görülən tədbir səmərəlidir və tamamən əsaslandırılıb.
Mərkəzi Bank tarifləri artıranadək Rusiyada bir dollar 27,34 rubl, bir avro - 34,8 rubl olub. Mərkəzi Bank bivalyuta səbətində artımı 30,4 rubl məzənnəsində saxlasa da, dünən amerika valyutasının 37 qəpikdən və Avropa valyutasının 23 qəpikdən artq bahalaşması nəticəsində bivalyuta səbəti (0,55 dollar və 0,45 avro) 30,7 rubl bahalaşıb.
Məqalə müəllifilə ələqə ünvanı: [email protected]
