Ukrayna, Kiyev, 14 noyabr/ Trend / Ukraynanın Baş naziri Yuliya Timoşenko MDB -yə üzv dövlətlərin hökumət başçıları Şurasının iclası çərçivəsində, Azərbaycanın Baş naziri Artur Rasizadə ilə görüş keçirib. UNİAN - nın verdiyi xəbərə görə, bu barədə jurnalistlərə Ukrayna Baş nazirinin mətbuat katibi Marina Soroka məlumat verib.
Görüşdə Baş nazirlər iqtisadi əməkdaşlıq və iki ölkə iqtisadiyyatında dünya maliyyə böhranı nəticələrinin minimuma endirilməsi məsələlərini müzakirə ediblər.
Şura iclası çərçivəsində, Azərbaycan Baş naziri ilə görüşdən sonra MDB ölkələri Baş nazirlərinin Moldova prezidenti Vladimir Voronin ilə görüşü başlayıb.
Timoşenkonun Kişinyova bugünkü səfəri çərçivəsində, Rusiya və Qazaxıstan Baş nazirləri Vladimir Putin və Kərim Məsimov ilə görüşləri də planlaşdırılır.
