Azərbaycan, Bakı, 17 noyabr/ TrendCap müxbir Ü.İsmayılova/ MBASK Sığorta Şirkətinin və eyni zamanda, Sığortaçılar Assosiasiyası İdarə Heyətinin sədri Cəmil Məlikovun proqnolzlarına əsasən, Azərbaycan Milli Bankının (AMB) göstərişinə əsasən, avtomobil alışı üzrə kreditvermə şərtlərinin sərtləşdirilməsi Azərbaycan sığorta bazarının sığorta haqları həcmini 15 faiz azaldacaq.
"Azərbaycanda avtomobil sığortası böyük həcmdə gəlir gətirən ən inkişaf etmiş sahələrdən biridir", - deyə bazar ertəsi Məlikov bildirib.
Azərbaycanın Maliyyə Nazirliyinin məlumatına görə, yanvar-sentyabrda avtomobil sığortaları üzrə sığorta haqları 48,2 mln. manat, sığorta ödmələri 14,6 mln. manat təşkil edib. Fəaliyyətdə olan 28 sığorta şirkətinin sığorta haqlarının ümumi həcmi 148,7 mln. manata çatır, onların sığorta ödmələri 40,4 mln. manata bərabər olub.
Məlikovun sözlərinə görə, mənfəətin azalmasına baxmayaraq, bu faktın sığorta şirkətlərinin risklərinin azalması kimi müsbət tərəfləri də var. Əvvəllər beş il müddətinə girov qoyulmuş avtomobilin sığortası zamanı şirkətə ziyan dəyə bilərdi, çünki sığortanın birinci ili avtomobilin təmiri üzrə qiymətlər və xərclərin sığortası eyni idi, lakin ölkədə inflyasiyanın səviyyəsinin dəyişməsi və qiymətlərin artması nəticəsində, bu xərclər bir neçə dəfə artıb.
Məlikovun fikrincə, ölkənin sığorta bazarında avtokreditləşmə müddətinin azalmasına mühüm təsirlərdən biri sığortanın bu növündən asılılığın azalması və sığortanın digər növlərinin inkiaşf etməsi ola bilər.
"Sığorta şirkətlərinin xərclərin səviyyəsini yenidən nəzərdən keçirməsi, xərclərini maksimum azaltması və öz sərmayə proqnomlarına yenidən baxması lazım gələcək", - deyə Məlikov bildirib.
Azərbaycan Milli Bankı (AMB) ölkənin bank sektoruna nəzarəti gücləndirilmək və avtomobil alqısı üçün kreditlərin verilməsi şərtlərini sərtləşdirmək barədə göstəriş verib, - bir müddət əvvəl bank dairələrindəki mənbələrdən məlum olub. Avtomobil alqısının kreditləşdirmə həcminin azalması bununla izah edilir. Öz növbəsində bu, sığorta şirkətlərinin biznesinə təsir göstərir. Milli Bankın tələblərindən biri də alıcının ödədiyi ilkin ödənişin məbləğinin hazırki 20 faizdən artırılması ilə kreditlərin verilmə müddətini beş ildən üç ilədək azaltmaq olub. Uçot dərəcəsinin 10 faizədək azaldılması ilə əlaqədar olaraq, Milli Bank avtomobil kreditləri üzrə faiz dərəcələrinin 15 faizədək azaldılmasının lehinə çıxış edir.
Azərbaycanın sığorta bazarında 1992-ci ildən fəaliyyət göstərən MBASK SŞ 29 növ sığorta xidməti göstərir ki, onlardan 4 - ü məcburidir. Şirkətin Nizamnamə kapitalı 2 mln. manatdır. 2005-ci ilin yanvarından etibarən, MBASK-ın səhmlərinin 30 faizi Avropa Yenidənqurma və İnkişaf Bankına məxsusdur.
Müəlliflə əlaqə saxlamaq üçün elektron ünvan- [email protected]
