Azərbaycan, Bakı, 19 noyabr/ Trend , müxbir İ.Xəlilova/ Asiya İnkişaf Bankı (AİB) Azərbaycanda yol layihələri üçün 2007- ci ilin avqustunda 500 mln. dollar dəyərində təsdiq edilmiş multitranş paket (Multitranche Financing Facility - MFF) çərçivəsində, Şərq - Qərb magistralının Gəncə - Qazax avtomobil yolu hissəsini maliyyələşdirməyə hazırdır, - çərşənbə günü hökumətdən bildiriblər.
"Bu MFF- dən bankın 2009 - cu ildə təsdiqləməyi planlaşdırdığı üçüncü tranşdır", - hökumətdən bildiriblər.
Multitranş paketdən 255,4 mln. dollar ayrılıb. Masallı - Astara yolunun yenidən qurulması üçün məbləği 200 mln. dollar olan birinci tranş hələ ötən il təsdiq edilib. İkinci tranş (55,4 mln. dollar) uzunluğu 39 km olan Gəncə dairəvi yolunun yenidən qurulmasına ayrılıb. İkinci layihə üzrə kredit sazişi hələ imzalanmayıb.
Yolun bu hissəsi də Şərq - Qərb avtomagistralının Yevlax - Gəncə və Qazax - Gürcüstan sərhədi hissələrin yenidənqurma layihəsinə daxildir. Bu layihənin maliyyələşdirilməsində də AİB-in vəsaitlərindən istifadə edilir. Lakin layihənin bahalaşması ilə əlaqədar, Gəncə dairəvi yolunun maliyyələşdirilməsi üçün əlavə vəsait tələb olunub.
Uzunluğu 88,8 km olan birinci hissə -- Yevlax - Gəncə yolunun ümumi dəyəri 58,7 mln. dollar təşkil edir. Bunun 10,4 mln. dolları İslam İnkişaf Bankının, 11 mln. dolları Səudiyyə İnkişaf Fondunun, 24 mln. dolları AİB və 13,3 mln. dolları Azərbaycan hökumətinin payına düşür. Maliyyələşdirmə çərçivəsində İslam İnkişaf Bankı və Səudiyyə Fondu tərəfindən podratçı seçiləcək. Tikinti işlərinin realizəsi 2008 - 2009 - cu illərə nəzərdə tutulub.
Uzunluğu 38,8 km olan ikinci sahə Qazax - Gürcüstan sərhədi 30 mln. dollar məbləğində qiymətləndirilir. O AİB - in 28 mln. dollar həcmində krediti və Azərbaycanın payı (2 mln. dollar) hesabına maliyyəlşdiriləcək.
MFF paketinin 2014 - cü ilədək mənimsənilməsi nəzərdə tutulur.
Müəlliflə əlaqə saxlamaq üçün elektron ünvan - [email protected]
