Azərbaycan, Bakı, 19 noyabr/ Trend / Azərbaycan və ABŞ hökumətləri layihələrin birgə maliyyələşdirilməsi üzrə qarşılıqlı anlaşma memorandumu imzalamaq niyyətindədirlər. Bu qərar noyabrın 17-də Vaşinqtonda keçirilən iqtisadi əməkdaşlıq üzrə Azərbaycan - Amerika komissiyasının ikinci iclası çərçivəsində qəbul olunub.
"Amerika tərəfinin təklifi Azərbaycan hökumətinin, onun üçün maraq kəsb edən bəzi layihələrin maliyyələşdrilməsinin bir hissəsini öz üzərinə götürməsindən ibarətdir. Bununla əlaqədar müvafiq layihə hazırlanır və düşünürəm ki, o, yaxın vaxtlarda imzalanacaq", - deyə iclasda Azərbaycan tərəfindən həmsədr, ölkənin maliyyə naziri Samir Şərifov bildirib.
Hazırda Azərbaycana texniki yardım layihələrinin bəziləri Beynəlxalq Ticarət və İnkişaf Agentliyi vasitəsilə ABŞ hökumti tərəfindən maliyyələşdirilir.
Komissiyalarda müzakirələr dörd əsas mövzu ətrafında cəmləşdirilib : Azərbaycanda makroiqtisadi siyasət və inkişaf, ticarət və sərmayə mühiti, iqtisadi islahatlar, ikitərəfli iqtisadi əməkdaşlığın müxtəlif sahələri.
Tərəflər iclasda tərkibinə Amerika və Azərbaycanın hökumət üzvləri, iqtisadiyyat nazirlikləri nümayəndələrinin daxil olduğu nümayəndə heyətləri ilə təmsil olunublar. Müzakirələr Azərbaycanın maliyyə naziri Samir Şərifov və ABŞ Dövlət Katibinin iqtisadiyyat, energetika və biznes məsələləri üzrə müavini Daniel Sallivanın həmsədrlikləri ilə aparılıb.
"Mənim zənnimcə, Azərbaycanda belə bir təəssürat yaranıb ki, sizin ölkədə ABŞ -ın iqtisadi maraqları, əsasən, enerji sahəsi ilə bağlıdır. Bu mühümdür, lakin bu bizim əməkdaşlığımızın yeganə hissəsi deyil", - deyə bildirib.
Onun sözlərinə görə, iclasın gündəliyinin genişləndirilsə də, iqtisadi tərəfdaşlığın dərinləşdrilməsi üzrə yolların axtarılması nəzərdə tutulur. Aparılan müzakirələr zamanı ABŞ -ın ticarət nazirinin müavini həm də bildirib ki, Amerikanın Azərbaycandakı səfirliyində yaxın vaxtlarda ticarət attaşesi vəzifəsi təsis olunacaq.
İki ölkə arasında münasibətlərin dinamik artımını nəzərə alaraq, iqtisadi əməkdaşlıq üzrə işçi qrupu formatında başlanan ikitərəfli məsləhətləşmələr Birləşmiş Ştatların təklifi ilə iqtisadi əməkdaşlıq komissiyası müstəvisinə keçib.
Şərifovun fikrincə, bu, Azərbaycan - Amerika münasibətlərinin strateji tərəfdaşlığın daha da genişləndirilməsinin nəticəsidir.
Noyabrın 19-na olan rəsmi məzənnə 0,8094 AZN/USD təşkil edib.
Məqalə müəllifi ilə əlaqə ünvanı - [email protected]