Azərbaycan, Bakı, 24 noyabr / Trend müxbir Ü.İsmayılova/ Son iki ay ərzində (oktyabrda və noyabrın ilk 20 günündə) daşınmaz əmlakın kirayə bazarında fəallığın azalması ilə yanaşı, qiymətlər dəyişməz qalıb. Oktyabrda qiymətlər 0,8 faiz artıb, noyabrda 1,2 faiz azalıb, - bazar ertəsi "MBA Group" Konsaltinq Şirkətindən bildiriblər.
Bakının mərkəzində və mərkəzətrafı rayonlarda orta kirayə haqqı 670 manat, birotaqlı mənzilin kirayəsi 378,8 manat, ikiotaqlının - 532 manat, üçotaqlı mənzilin kirayəsi 753,6 manat olub.
Bu müddət ərzində mənzil kirayəsi bazarında təklif 3,1 faiz artıb. Noyabrın 20 - nə mənzil kirayəsi portfelinin böyük bir hissəsini üçotaqlı mənzillər təşkil edib - 36,2 faiz. İkiotaqlı mənzillərin bazar portfelində payı 33,9 faiz olub. Qiymətlərin səviyyəsinə görə, portfelin böyük bir hissəsini - bazarın 53,4 faizini - 340 manatdan 620 manatadək olan mənzillər təşkil edib. 400 manatadək təklif edilən birotaqlı mənzillərin payı - 68 faiz, üçotaqlıların qiyməti - 32 faiz olub.
Noyabrın 24 - nə rəsmi məzənnə 0,8089 AZN/USD.
Müəlliflə əlaqə ünvanı: [email protected]
