Azərbaycan, Bakı, 24 noyabr/ Trend , müxbir A.Bədəlova/ Britaniyanın iqtisadi tədqiqatlar üzrə Konsaltinq Şirkəti Capital Economics 2009 - cu ildə Avrozonanın ÜDM-nin illik hesablamada 1 faiz azalacağını proqnozlaşdırır.
2008 - ci ilin üçüncü rübündə Avrozona ÜDM-i 0,2 faiz azalıb ki, bu da regionda durğunluğun başlamasından xəbər verir. Britaniya şirkətinin proqnozlarına əsasən, bu göstərici cari ilin dördüncü rübündə də qalacaq. Capital Economics 2008 - ci ildə ÜDM-in 1 faiz artacağını proqnozlaşdırır.
Regionda durğunluq və xammalın qiymətinin azalması fonunda, oktyabrda Avrozonada inflyasiya sıfır səviyyəsində olub. Ötən ay burada illik inflyasiya sentyabrdakı 3,6 faizə qarşı 3,2 faiz təşkil edib. Bir il əvvəl Avrozonada inflyasiya 2,6 faiz olub.
Capital Economics - in məruzəsində bildirilir ki, Avrozonada enerji daşıyıcılarının qiyməti qarşıdakı bir neçə ay ərzində neftin qiymət dinamikasına daha az həssas qalarsa, enerji daşıyıcılarının istehlak qiymətləri indeksinin azalması o qədər də əhəmiyyətli olmayacaq. Şirkətin analitikləri 2009 - cu ilin yayına avro zonasında enerji daşıyıcılarının qiymətinin səkkiz faiz azalacağını proqnozlaşdırırlar.
Britaniya şirkətinin proqnozlarına əsasən, 2009 - cu ildə Avrozonada işsizlik səviyyəsi 2008 - ci ildəki 7,5 faizdən 9,3 faizədək artacaq. Maksimal işsizlik səviyyəsi gələn ilin dördüncü rübündə müşahidə olunacaq - 9,9 faiz səviyyəsində.
Analitiklər Avrozona iqtisadiyyatına ümumi etibar indeksinin oktyabrdakı 80,4 bəndən noyabrda 78 bəndədək azalacağını proqnozlaşdırırlar. Sentyabrda Avrozona iqtisadiyyatına ümumi etibar səviyyəsinin göstəricisi 87,5 bənd təşkil edib.
Şirkətin analitiklərinin rəyinə görə, ümumilikdə Avrozonada iqtisadi azalma, ABŞ və Böyük Britaniya ilə müqayisədə, daha az əhəmiyyətli olacaq.
Capital Economics 2009 - cu ildə avronun məzənnəsinin dollara nisbətən 0,4 faiz - 2008 -ci ildəki 1,25 dollardan 1,20 dollaradək zəifləyəcəyini proqnozlaşdırır.
Müəlliflə əlaqə saxlamaq üçün elektron ünvan: [email protected]
