Azərbaycan, Bakı, 26 noyabr/ Trend , müxbir S.Babayeva/ Bakıda ixtisaslaşmış yarmarkalarda satışa çıxarılan yerli quş məhsullarının həcmi xeyli azalıb, - Azərbaycanın Respublika Quşçular Cəmiyyətinin rəhbəri Aydın Vəliyev çərşənbə günü bildirib.
"Bu iri quşçuluq müəssisələrinin [Hövsan Broyler и Mərdəkan Quşuluq] fəaliyyətlərini dayandırmaları və xaricdən idxal edilən yemin yüksək qiymətləri ilə əlaqədar, digər müəssisədə [Mədəkan Broyler] istehsal həcminin azalması ilə bağlıdır", - Vəliyev deyib.
Bakıda ixtisaslaşmış quş məhsulları yarmarkaları 2006-cı ilin dekabrından başlayaraq, hər həftə keçirilir.
Cəmiyyət rəhbərinin sözlərinə görə, sonuncu dəfə sərgiyə cəmi 5-6 ton quş əti və 400 min toyuq yumurtası çıxarılıb. İstehsal azalanadək bu rəqəmlər 20 ton və 500 min səviyyəsində olub.
Vəliyev bildirib ki, ötən ilin sonundan təşkilat hökumətlə hər hansı güzəştlərin, xüsusilə də yem idxalına ƏDV-nin ləğvi ilə əlaqədar danışıqlar aparır. Hələ ki, bu məsələ ilə bağlı heç bir qərar qəbul edilməyib.
Quşçular Cəmiyyətinə 28 müəssisə daxildir - Hövsan Broyler, Mərdəkan Broyler, Siyəzən Broyler, Dəvəçi Broyler və digərləri.
İndiyədək Bakı ərazisində keçirilmiş ixtisaslaşmış quş məhsulları yarmarkalarında 400 tondan çox quş əti və 8 milyondan çox yumurta satılıb.
