...

"Azərbaycan Hava Yolları" təyyarələr üçün 40 milyon dollar dəyərində mühərriklər alıb

Biznes və iqtisadiyyat xəbərləri Materials 9 Dekabr 2008 17:57 (UTC +04:00)

Azərbaycan, Bakı, 09 dekabr/ Trend / "Azərbaycan Hava Yolları" QSC (AZAL) 767-300ER seriyalı iki yeni Boeing təyyarəsi üçün Ge Aviation-un (GE) istehsalı olan 40 mln. dollarlıq CF6-80C2 tipli mühərriklər alıb, - şirkətin rəsmi saytında yerləşdirilmiş məlumatda bildirilir. Mühərriklərin ölkəyə gətirilməsi 2010-cu ildə həyata keçiriləcək.

AZAL-ın istifadəsində CFM56-5 tipli mühərriklə Airbus A320 təyyarəsi, CFM56-7B tipli mühərriklə 4 Boeing 737-900 təyyarəsi var. Şirkət, mühərrikləri GE şirkəti tərəfindən istehsal edilən iki Boeing 787 Dreamliner təyyarəsi ilə bağlı da sifariş verib.


"CF6-80C2 mühərriklərini seçməklə, GE-nin aviasiya məhsullarına etibarımızı bir daha nümayiş etdirmişik", - AZAL-ın rəhbəri Cahangir Əsgərov bildirib. - Biz, bu mühərriklərin müstəsna səmərəli olacağını gözləyirik və uçuşlarımızın həcmi artdıqca, GE çox yüksək servis xidmətini təmin edəcək".
 

GE Aviation-un Yaxın Şərq, Şərqi Avropa və MDB üzrə Baş meneceri Məhəmməd Əl-Lamadaninin sözlərinə görə, "bu sifariş AZAL-ın GE-nin məhsullarına dəyişməz münasibətindən xəbər verir".

GE Aviation kommersiya və hərbi reaktiv mühərriklər, uçuş aparatları üçün inteqrasiya edilmiş rəqəmli, elektrik və mexaniki sistemlərin aparıcı dünya tədarükçüsü olan General Electric Company şirkətinin bölməsidir.

Xəbər lenti

Xəbər lenti