Azərbaycan, Bakı, 17 dekabr/ Trend , müxbir Ü.İsmayılova/ "Azərbaycanın MBASK sığorta şirkəti ilin sonunadək sığorta yığımlarının həcmini 18 mln. manatadək çatdırmaq niyyətindədir", - MBAS Sığorta Şirkəti İdarə Heyətinin sədri Cəmil Məlikov çərşənbə günü bildirib.
Yanvar-sentyabrın yekunları üzrə şirkətin sığorta daxilolmaları 15,72 mln. manat, ödənişləri 4,5 mln. manat təşkil edib. Doqquz ay ərzində şirkətin portfelinin yarıdan çoxu (60 faiz) girov avtomobilinin sığortalanmasının payına düşüb. Lakin dünya maliyyə böhranının təsiri ilə şirkətin portfelində dəyişikliklər baş verib.
Avtomobil sığortası üzrə şirkətin sığorta haqları doqquz ay ərzində 3,2 mln. manat, tibbi sığorta üzrə - 813 min manat, yanğından sığorta - 107,2 min manat, bədbəxt hallardan sığortadan - 99,6 min manat təşkil edib.
Bu dövr ərzində MBASK-ın aktivlərinin artımı 110 faiz təşkil edib və 23,2 mln. manata çatıb. Şirkətin gəlirləri 69,9 faiz - 25,3 mln. manatadək artıb. MBASK tərəfindən sığorta xidmətlərinin korporativ satış portfeli 21 faiz, xüsusi satışlar portfeli - 79 faiz olub.
Oktyabr-dekabrda şirkət portfelinin böyük hissəsini əmlakın sığortalanması və tibbi sığorta müqavilələri təşkil edib, - Məlikov dəqiqləşdirib.
Azərbaycanın sığorta bazarında 1992-ci ildən fəaliyyət göstərən MBASK SŞ 29 növ sığorta xidməti göstərir ki, onlardan 4-ü məcburidir. Şirkətin Nizamnamə kapitalı 2 mln. manatdır. 2005 - ci ilin yanvarından MBASK-ın səhmlərinin 30 faizi Avropa Yenidənqurma və İnkişaf Bankına məxsusdur.
Dekabrın 17-nə olan cari mübadilə məzənnəsi -- 0,802 AZN/USD.
Müəlliflə əlaqə saxlamaq üçün elektron ünvan:[email protected]
