Azərbaycan, Bakı, 22 dekabr/ Trend , müxbir N.İsmayılova/ Milli banklararası iri ödənişlər sistemi (AZİPS) vasitəsilə ödənişlərin həcmi noyabrda 6,9 faiz və ya 474 mln. manat - 6399 mln. manatadək azalıb, - Azərbaycan Milli Bankından bazar ertəsi bildiriblər. Oktyabrda bu sistem vasitəsilə ödənişlərin həcmi 6873 mln. manat təşkil edib.
Noyabrda kiçik ödənişlərin klirinq ödəmə sistemi (XONKS) vasitəsilə əməliyyatların həcmi 12,4 faiz azalaraq, 436 mln. manat təşkil edib. Oktyabrda bu göstərici 498 mln. manata çatırdı.
Hesabat dövrü ərzində AZİSP və XONKS sistemləri vasitəsilə müvafiq olaraq 36 min və 172 min ödəmə həyata keçirilib ki, bu da oktyabrdan 10 faiz və 3,4 faiz azdır.
Ötən ay AZİPS ödəmə sistemi istifadəçilərinin sayı 47, XONKS ödəmə sistemi istifadəçilərinin sayı 51 olub.
Dekabrın 22-nə olan cari mübadilə məzənnəsi -- 0,802 AZN/USD.
Müəlliflə əlaqə saxlamaq üçün elektron ünvan: [email protected]
