Azərbaycan, Bakı, 24 dekabr/ Trend , müxbir Ü.İsmayılova/ "Dünya maliyyə böhranı fonunda Azərbaycan pensiyaların minimal səviyyəsinə görə MDB ölkələri arasında dördüncü yerdən ikinci yerə qalxıb", - Azərbaycan əhalisinin Dövlət Sosial Müdafiə Fondunun (DSMF) rəhbəri Səlim Müslümov çərşənbə günü bildirib.
"Manatın möhkəmlənməsi nəticəsində Azərbaycanda minimal pensiya 93,4 dollar təşkil edir. Rusiyada o, 63 dollar, Ukraynada 80 dollaradək düşüb. Qazaxıstanda isə, 105,1 dollar təşkil edir", - Müslümov vurğulayıb.
Onun sözlərinə görə, böhran nəticəsində hətta Latviyada pensiyaların minimal səviyyəsi 90 dollaradək düşüb və yalnız Litva, Estoniya və Qazaxıstan minimal pensiyaların səviyyəsində Azərbaycanı qabaqlayır.
"Müqayisə üçün deyə bilərəm ki, Ermənistanda pensiyanın minimal səviyyəsi 22 dollar təşkil edir", - Fondun rəhbəri deyib.
Azərbaycanda minimal pensiya məbləği 75 manat təşkil edir.
Dekabrın 24 - nə olan cari mübadilə məzənnəsi -- 0,8022 AZN/USD.
Müəlliflə əlaqə saxlamaq üçün elektron ünvan: [email protected]