Azərbaycan, Bak, 25 dekabr / Trend , müxbir E. İsmaylov/ Cümə axşamı metropolitendəki işlərə yaxın mənbə bildirib ki, Bakı metropoliteni ASÇ "Metrovaqonmaş" istehsalı olan 11 yeni vaqondan ibarət son partiyanı almağı planlaşdırır.
"Yeni vaqonlar artıq yoldadır və onların Azərbaycana nə vaxt gətiriləcəyi Rusiya dəmir yollarının vəziyyətindən asılı olacaq. Metropoliten rəhbərliyi vaqonların ilin axırınadək gətirilməsi ücün işlər aparır.",-deyə mənbə bildirib.
Onun sözlərinə görə, 11 vaqonun dördü aparıcı, qalanları - aralıq vaqonlardır.
Mənbə bildirib ki, vaqonlar ilin sonuna qədər gətirilərsə,onlar sazlanmadan sonra 2009-cu ildə istifadəyə veriləcək.
Bu tədarük Rusiyanın "Metrovaqonmaş" ASC -ilə ("Transmaşholding" GSC -nin tərkibinə daxildir) müqaviləsi cərcivəsində həyata kecirilir. Müqavilənin şərtlərinə görə, vaqonların modelləri 81-717.5B və 81-714.5B olacaq (14 aparıcı və 22 aralıq vaqonlar).
10 vaqondan ibarət olan ilk partiyanı Bakı metropoliteni yazda, ikinci hissəni isə (10 vaqon) payızda gətirib. Sonra daha 5 vaqon alınıb. 2007-ci ildə Baki metropoliteninə 25 vaqon tədarük olunub.
30 ildən artıqdır ki, Mıtişi zavodu Bakı metropoliteninə qatar tədarük edir. Moskvaətrafı müəssisədə istehsal olunmuş vaqonlar parkın 80 faizini təşkil edir.
Müəlliflə əlaqə ünvanı: [email protected]